Молитва, тропарь и величание святому образу «Варвара Илиопольская»

Избра́нной Бо́гом от идолослужи́тельнаго ро́да и призва́нной во язы́к свя́т, в лю́ди обновле́ния, неве́сте Христо́ве, я́ко избавля́ющиися тобо́ю от разли́чных зо́л и обстоя́ния, благода́рственная пе́ния и хвале́ния воспису́ем ти́, моли́твенницы твои́, свята́я и всехва́льная великому́ченице: ты́ же, иму́щи дерзнове́ние ко Го́споду, от вся́ких на́с бе́д свободи́, да с ра́достию зове́м ти́:

Ра́дуйся, Варва́ро, неве́сто Христо́ва прекра́сная.

О, многострада́льная и всехва́льная свята́я великому́ченице Варва́ро! Ны́нешнее на́ше моле́ние прие́мши, от вся́ких боле́зней душе́вных и теле́сных, и вра́г ви́димых и неви́димых на́с изба́ви, и от ве́чнаго муче́ния твои́м богоприя́тным хода́тайством сохрани́, да с тобо́ю на земли́ живы́х во ве́ки пое́м Бо́гу: Аллилу́иа.

Избра́нной Бо́гом от идолослужи́тельнаго ро́да и призва́нной во язы́к свя́т, в лю́ди обновле́ния, неве́сте Христо́ве, я́ко избавля́ющиися тобо́ю от разли́чных зо́л и обстоя́ния, благода́рственная пе́ния и хвале́ния воспису́ем ти́, моли́твенницы твои́, свята́я и всехва́льная великому́ченице: ты́ же, иму́щи дерзнове́ние ко Го́споду, от вся́ких на́с бе́д свободи́, да с ра́достию зове́м ти́:

Ра́дуйся, Варва́ро, неве́сто Христо́ва прекра́сная.

Свята́я сла́вная и всехва́льная великому́ченице Христо́ва Варва́ро! Со́браннии дне́сь в хра́ме твое́м Боже́ственном лю́ди, и ра́це моще́й твои́х покланя́ющиися и любо́вию целу́ющии, страда́ния же твоя́ му́ченическая, и в ни́х Сама́го Страстополо́жника Христа́, да́вшаго тебе́ не то́чию е́же в Него́ ве́ровати, но и е́же по Не́м страда́ти, похвала́ми ублажа́ющии, мо́лим тя́, изве́стная жела́ния на́шего хода́таице: моли́ с на́ми и о на́с умоля́емаго от своего́ благоутро́бия Бо́га, да ми́лостивно услы́шит на́с, прося́щих Его́ благосты́ню, и не отста́вит от на́с вся́ ко спасе́нию и житию́ ну́ждная проше́ния, и да́рует христиа́нскую кончи́ну животу́ на́шему безболе́зненну, непосты́дну, ми́рну, Боже́ственных Та́ин прича́стну, и все́м на вся́ком ме́сте, во вся́кой ско́рби и обстоя́нии, тре́бующим Его́ человеколю́бия и по́мощи, вели́кую Свою́ пода́ст ми́лость, да благода́тию Бо́жиею и твои́м те́плым предста́тельством, душе́ю и те́лом всегда́ здра́ви пребыва́юще, сла́вим ди́внаго во святы́х Свои́х Бо́га Изра́илева, не удаля́ющаго по́мощи Своея́ от на́с всегда́, ны́не и при́сно и во ве́ки веко́в. Ами́нь.

Прему́драя и всекра́сная свята́я великому́ченице Христо́ва Варва́ро! Блаже́нна еси́, я́ко преми́рная му́дрости Бо́жия пло́ть и кро́вь не яви́ тебе́, но Са́м Бо́г Оте́ц Небе́сный, И́же тебе́, ве́ры ра́ди от неве́рнаго отца́ оста́вленную, изгна́нную и умерщвле́нную, в дще́рь Себе́ возлю́бленную прия́т: за тле́нное земна́го име́ния насле́дие пло́ти нетле́ние дарова́; труды́ му́ченическия упокое́нием небе́снаго измени́ Ца́рствия; вре́менное твое́ житие́, сме́ртию Его́ ра́ди пресече́нное, сицево́ю возпросла́ви по́честию, я́ко ду́шу с ли́ки небе́сных вчини́ духо́в, те́ло же, на земли́ в хра́ме и́х а́нгельском положе́нное, а́нгелом запове́да сохрани́ти це́ло, че́стно и многочуде́сно. Блаже́нна еси́, Христу́ Сы́ну Бо́жию, Жениху́ Небе́сному уневеще́нная де́во, Его́же добро́ты твоея́ рачи́теля име́ти жела́ющи, всю́ себе́ страда́нием, ра́нами, у́дов ре́занием и са́мыя главы́ усече́нием, а́ки у́тварьми дража́йшими потща́лася еси́ украси́ти; да та́ко, я́ко жена́ ве́рна главе́ свое́й му́жу, Христу́ ду́хом и те́лом соедини́шися неразлу́чно, глаго́лющи: обрето́х, Его́же возлюби́ душа́ моя́, удержа́х Его́, и не оста́вих Его́. Блаже́нна еси́, я́ко Святы́й Ду́х на тебе́ почи́л е́сть, и́мже духо́вными духо́вная разсужда́ти науче́на, вся́ ду́хи лука́вствия во и́долах, я́ко па́губныя отри́нула еси́, и еди́наго Бо́га Ду́ха позна́вши, я́ко и́стинная покло́нница, ду́хом и и́стиною кла́нятися изво́лила еси́, пропове́днически глаго́лющи: Тро́ицу чту́, еди́но Божество́. Сию́ Святу́ю Тро́ицу, Ю́же в животе́ и сме́рти испове́данием и страда́нием свои́м просла́вила еси́, умоли́ о мне́, предста́тельнице моя́, я́ко да и а́з всегда́ тро́йственною, ве́ры, любве́ и наде́жды, ту́южде Святу́ю Тро́ицу почита́ю доброде́телию. И́мам свети́льник ве́ры, но пра́зден благи́х де́л еле́я, ты́, му́драя де́во, страда́льческую пло́ть твою́, кро́ве испо́лненну и ра́нами прелива́ющуся, а́ки свети́льник иму́щая, да́ждь от еле́я твоего́, да те́м душе́вную мою́ свещу́ украси́вши, сподо́блюся по тебе́ вни́ти в черто́г небе́сный. Пресе́льник а́з е́смь на земли́ и пришле́ц, я́коже вси́ отцы́ мои́; бла́г ве́чных насле́днице и, блаже́нная, обе́да в Ца́рствии небе́сном прича́стнице, я́ко в стра́нствии жития́, трапе́зы боже́ственныя угоще́ния, си́це и во исхо́де от ми́ра, жела́емаго сподо́би мя́ напу́тствования; и егда́ в коне́ц сно́м сме́рти начну́ усыпа́ти, косни́ся тогда́ изнемога́ющия пло́ти моея́, я́ко иногда́ а́нгел Илии́, глаго́лющи: воста́ни, я́ждь и пи́й, я́ко да благода́тию боже́ственных Те́ла и Кро́ве Та́ин укрепле́н, преиду́ в кре́пости я́ди тоя́ дале́кий пу́ть сме́рти, да́же до горы́ небе́сныя; и та́мо, Его́же ты́ чрез три́ о́кна ба́нныя пре́жде ве́рою Бо́га Тро́ицу узре́ла еси́, Сего́ ку́пно с тобо́ю лице́м к лицу́ да удосто́юся ви́дети, и сла́вити Его́ в несконча́емыя ве́ки, ами́нь.

Му́ченик Твой, Го́споди, во страда́нии свое́м вене́ц прия́т нетле́нный от Тебе́, Бо́га на́шего: име́яй бо кре́пость Твою́, мучи́телей низложи́, сокруши́ и де́монов немощны́я де́рзости. Того́ моли́твами спаси́ ду́ши на́ша.

Велича́ем тя, страстоте́рпче и уго́дниче святы́й, и чтим святу́ю па́мять твою́, ты бо мо́лиши за нас Христа́ Бо́га на́шего.

О, святы́й и досточу́дный уго́дниче Христо́в, те́плый наш пред Бо́гом предста́телю и в ско́рбех ско́рый помо́щниче! По́двигом до́брым подвиза́вся на земли́, восприя́л еси́ на Небесе́х вене́ц пра́вды, его́же угото́ва Госпо́дь всем лю́бящим Его́. Те́мже, со благогове́нием взира́юще на святы́й твой о́браз, ра́дуемся о пресла́внем прославле́нии твое́м и смире́нно мо́лим тя: испроси́ нам у Всеще́драго Влады́ки проще́ние согреше́ний на́ших, тве́рдость в ве́ре, исцеле́ние теле́сных и душе́вных неду́гов, мир, согла́сие и благослове́ние до́мам и се́мьям на́шим, да твои́м святы́м хода́тайством сла́вим Отца́ и Сы́на и Свята́го Ду́ха во ве́ки веко́в. Ами́нь.