Молитвы о болящих и об исцелении: Господу, целителю Пантелеимону, Луке Крымскому

Назначение: Здравие телесное и душевное, помощь врачам, облегчение страданий.
Тексты приводятся с ударениями для удобного чтения.

Влады́ко Вседержи́телю, Святы́й Царю́, наказу́яй и не умерщвля́яй, утвержда́яй низпа́дающия и возводя́й низве́рженныя, теле́сныя челове́ков ско́рби исправля́яй, мо́лимся Тебе́, Бо́же наш, раба́ Твоего́ (имя) немощству́юща посети́ ми́лостию Твое́ю, прости́ ему́ вся́кое согреше́ние во́льное и нево́льное.

Ей, Го́споди, враче́бную Твою́ си́лу с небесе́ низпосли́, прикосни́ся телеси́, угаси́ огне́вицу, укроти́ страсть и вся́кую тая́щуюся не́мощь, бу́ди врач раба́ Твоего́ (имя), воздви́гни его́ от одра́ болезненнаго и от ло́жа озлобле́ния це́ла и всесоверше́нна, да́руй его́ Це́ркви Твое́й благоугожда́юща и творя́ща во́лю Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

О вели́кий уго́дниче Христо́в, страстоте́рпче и врачу́ многоми́лостивый Пантелеи́моне! Умилосе́рдися надо мно́ю, гре́шным рабо́м Бо́жиим (имя), услы́ши стена́ние и вопль мой... Исцели́ благода́тию Христо́вою боле́знь мою́ теле́сную и душе́вную, изба́ви от лю́тых неду́гов и укрепи́ мя на служе́ние Го́споду. Ами́нь.