Молитвы об успехах в учебе, перед экзаменами и для разумения

О, преподо́бне и богоно́сне о́тче наш Се́ргие! Воззри́ на нас ми́лостивно и, к земли́ приве́рженных, возведи́ к высоте́ небе́сней. Укрепи́ на́ше малоду́шие и утверди́ нас в ве́ре, да несомне́нно упова́ем получи́ти вся блага́я от благосе́рдия Влады́ки Бо́га моли́твами твои́ми. Испроси́ предста́тельством твои́м дар разуме́ния кни́жнаго о́троку (имя), я́коже и сам ты в ю́ности от Го́спода чуде́сно приял еси́ разуме́ние грамо́ты. Огради́ от ле́ности, разсе́янности и малоду́шия, пода́й па́мять кре́пкую и ум я́сный, да во сла́ву Бо́жию и на по́льзу Оте́честву потруди́тся. Ами́нь.

Богоро́дице Пречи́стая, До́ме, его́же созда́ Себе́ Прему́дрость Бо́жия, даро́в духо́вных Пода́тельнице, от ми́ра к преми́рным ум наш возводя́щая и всех к позна́нию ра́зума приводя́щая! Приими́ моле́бное пе́ние от нас, недосто́йных раб Твои́х, с ве́рою и умиле́нием покланя́ющихся пред пречи́стым о́бразом Твои́м. Умоли́ Сы́на Твоего́ и Бо́га на́шего, да да́рует власте́м му́дрость и си́лу, судия́м пра́вду и нелицеприя́тие, па́стырем ра́зум духо́вный, ре́вность и бде́ние о душа́х на́ших, наста́вником смиренному́дрие, ча́дом послуша́ние, всем же нам дух ра́зума и благоче́стия, дух смире́ния и кро́тости, дух чистоты́ и пра́вды. И ны́не, Всепе́тая, Вселюби́мая на́ша Ма́ти, пода́й нам ума́ прибавле́ние, укроти́ злы́я вражды́ и нестрое́ния, и собери́ разсе́янныя во еди́но. Ами́нь.